香港新浪網MySinaBlog 精選話題工具
新浪網 - MySinaBlog
« 上一篇 | 下一篇 »
20091012 鬧情緒?
咇咇蕉 | 12th Oct 2009, 15:01 | 咇咇蕉逸事, 咇咇蕉媽逸事 | (381 Reads)

最近二公子唔知因咩事鬧情緒...

之前二公子阿b同三公子bb好夾架! 日日大戰三佰回合, 但最近發覺兩兄弟少左玩. 上星期同佢地行街時見bb係草地聊阿b玩時阿b都冇反應, 果時我同爸爸都唔擦覺, 以為冇乜野. 但終於事情發生了!

岩岩個星期六, 當我係廚房幫3個仔預備晚餐時, 阿b同bb都入左廚房坐係我腳邊監工, 當日仲預備左yogurt分比3個仔食. 當分好時, 見隻匙同yogurt兜仲有少量yogurt, 我呢個慳家媽媽就將隻匙同兜入面既yogurt分比兩個仔. 當時各有各食, 直至隻匙同兜乾淨晒, 一路都相安無事. 到預備拎佢地既晚餐出廳時, 突然聽到身後有打鬥聲... 二公子同三公子唔知因咩事突然開拖. 究竟邊個打邊個先我同爸爸都睇唔到. 隔開佢地後, 爸爸罰兩個仔坐埋一邊, 等大公子qq開完飯至再比佢地食飯. 果晚暫且平安渡過...

到左尋日, 我同爸爸再嘗試叫二公子同三公子玩. 開始時bb有用身同口聊阿b玩, 阿b亦有反應, 以為冇事啦! 點知唔夠半分鐘就聽到阿b開始發惡, 我大聲一"喝!" 兩個仔即時自己分開. 休息左一陣後, 我再拎個玩具出黎. 不嬲阿b對所有玩具都係零反應, 所以個玩具終於係bb同qq玩. 當bb拎個玩具比我同佢玩時, 我就嘗試將個玩具拋過阿b身邊, 但當bb見個玩具係阿b身邊時, 佢完全唔敢過去拎, 只係坐喺我身邊, 等我出手拎返個玩具. 由此可見, bb已經怕怕地阿b...

而今日, bb再一次嘗試聊阿b玩, 但阿b竟然豎毛同細細聲woo bb...

唉! 仔呀仔! 你做乜野呀? 你點解會無啦啦嬲左bb架? 呷醋? 爭做大佬? 其實我同爸爸都咁錫你, 有野食就一定比你食先過bb同qq, 你果份又一定大份過bb同qq果份. 另外吳家小霸皇bb亦比你上佢地張梳化, 比你入房, 可以同食同住, 呢兩日又唔停咁洗出佢pr既混身解數黎聊你玩, 但你依然冇反應. 究竟你有咩不滿? 唔通你要同bb分大細? 其實你要分都唔係問題, 呢個係你地狗界既事, 只要唔好發生流血事件就可以. 我同爸爸都希望快d可以見返之前開開心心, 日日同bb大戰三佰回合既阿b呀! 

bb : 哥哥! 我唔知你做乜唔同我玩... 希望你快d回復心情, 我隨時ready同你玩架!

qq : 我呢隻不問世事, 只識食, 玩, 瞓既世外高狗, 都希望你快d放開心情, 日日同細佬打交, 咁我就可以有多d時間黐住老豆同媽咪!

留言(12) | 引用(0) | 話題(狗)

[12]

簡單的d講就係大細超
族群領袖要對所有成員一視同狗
掉返轉頭諗，你細個時，啊爸啊媽錫晒你啊哥家姐細佬妹其中一個或錫晒其他人都唔錫你，你都唔高興啦，你都會同啊爸啊媽最錫果個最不和啦，你都唔會尊重你所有屋企人啦，又掉返轉，做最錫果個都等人睇唔到時整鬼最唔錫果個啦，啊爸啊媽發現咪落兩下咀頭咪搞掂，分分鐘醒返最唔錫個
[引用] | 作者 朱屎家族 | 19th Oct 2009 12:09 | [舉報垃圾留言]


我地冇話特別偏心邊個. 阿b果份晚餐大份d係因為bb同qq太肥要減肥, 阿b偏瘦, 所以至比多d佢食. 而我話有野食時會比阿b食先就只係零食, 因為派零食時, 根本冇可能同時派比3個一齊食架嗎?!

其實我深信bb一定知佢係我心目中既地位一定唔會變, 而近個星期見佢地既關係好似好左d, 希望過多個星期可以見到佢地再一齊玩啦!
[引用版主回覆] | 作者 咇咇蕉 | 20th Oct 2009 09:43

[11]

好明顯要分大細, 加上你餵阿B先過BB同QQ, 咁係默認左阿B既地位高過BB同QQ, 可能阿B同BB原本差唔多地位, 依家咪要分清楚高低....不過我唔係專業人士,俾多少少時間佢, 但係個人建議唔好再俾阿B食先過BB同QQ,一齊開餐就最好.....
[引用] | 作者 ocoy1234 | 17th Oct 2009 18:34 | [舉報垃圾留言]

平時開飯時冇話邊個食先, 邊個食後, 係一齊食架! 只係餵零食時會派比阿b食先, 至於其他野全部同步做.

最近見佢地開始好似好少少, 起碼冇爭野, 又唔覺bb避阿b, 阿b行埋bb身邊時兩個仔都冇野, 又時仲見佢地互錫添, 只係冇好似初時咁兩個攬埋一堆玩打交. 反而尋晚就見到qq同bb玩打交, 轉頭就阿b同qq玩埋一堆, e+qq好似變左佢地兩兄弟既玩具咁...
[引用版主回覆] | 作者 咇咇蕉 | 20th Oct 2009 09:35

[10]

下？？點解會咁架？？明明好地地架.......
[引用] | 作者 cherry | 16th Oct 2009 20:22 | [舉報垃圾留言]


我都想知點解? 睇黎要搵ac同佢地傾下計至知咩事喇...
[引用版主回覆] | 作者 咇咇蕉 | 17th Oct 2009 09:34

[9]

其實 ........ 你話你唔介意佢地邊個做大, 佢地咪會用自己方法(開拖)尼分大細LAW?

 花師奶
[引用] | 作者 花師奶 | 15th Oct 2009 20:04 | [舉報垃圾留言]


要分大細唔洗一定要開拖啩? bb同qq果時冇開拖已經分到大細囉喎?!
[引用版主回覆] | 作者 咇咇蕉 | 16th Oct 2009 09:50

[8]

慢慢黎啦...就好似當初我帶ZERO黎我屋企時，都見佢地經常性大戰幾百回合，不過唔知b同bb有冇試過大戰時冇耐就un un對方呢？因為zero同qoo仔係會有呢個情況，試多幾次後就能分大細...
[引用] | 作者 pooh_Q_QOO | 15th Oct 2009 01:50 | [舉報垃圾留言]


其實阿b一開始時已經有嘗試un bb, 而bb不嬲都冇狗可以un到佢架! 大部份想un bb既狗bb都一定會發惡鬧佢地, 而阿b un佢時, bb已經好俾面冇發惡, 只係同佢玩打交咋!
[引用版主回覆] | 作者 咇咇蕉 | 16th Oct 2009 09:48

[7]

我知啦, 你沒有在版頭掛上他的照片, 所有嬲~~~ hehe
[引用] | 作者 freedogsjanny | 14th Oct 2009 22:32 | [舉報垃圾留言]


有可能, 但要等得閒d至可以整過條banner喎...
[引用版主回覆] | 作者 咇咇蕉 | 16th Oct 2009 09:40

[6]
私人留言 (按此查看)
BJ
[引用] | 作者 BJ | 14th Oct 2009 11:54 | [舉報垃圾留言]

私人回應 (按此查看)
[引用版主回覆] | 作者 咇咇蕉 | 14th Oct 2009 12:50

[5] 我兩個女婿先係大佬呀

emotion唔可以, 我兩個女婿要做大佬呀, 有什麼理由遲入門的要做大呀???emotion, 其實傻B冇人係屋企時有冇欺負BB 架?? 如果唔係BB點會這樣, 之前你話很耐冇見BB 爬到梳化底,突然入左去梳化底!!! 我覺得可能傻B在你們不在家時欺負BBQ 呀emotion

 GjarDOT
[引用] | 作者 GjarDOT | 14th Oct 2009 00:04 | [舉報垃圾留言]


其實3個仔裡面, 邊個做大, 邊個做細真係唔係問題.

qq既悠悠閒, 不問世事, 與世無爭既性格, 地位一直比其他狗低呢個就一定架喇! 只要有時間摸下佢, 同佢傾下計, 佢就好滿足. e+爸爸日日都會攬住佢, 同佢傾計, 佢不知幾開心, 見爸爸仲開心過見我呀...

而bb既貪玩, 天真, 佢知佢喺我心中既地位永遠都唔會變, 永遠都係我最痛錫既bb, 相信佢唔會介意做大定做細.

至於阿b, 可能因為佢一路都係自己一個生活開, e+突然多左兩兄弟, 亦需要比時間佢去適應, 磨合.

呢兩日見佢地已經好左, 今朝仲見阿b錫bb, 相信好快就雨過天清架喇!
[引用版主回覆] | 作者 咇咇蕉 | 14th Oct 2009 10:37

[4] Re: 咇咇蕉
咇咇蕉 :

暫時阿b對我同爸爸都冇野, 當然我地亦容許佢作出任何挑戰我地既行為.


依，上面哩句，係咪少咗過『唔』字，應該係『當然我地亦唔容許佢作出任何挑戰我地嘅行為』

其實妳都講得好啱，三個仔當中，邊個做大邊個做細，實在亦都唔係人可以決定，而係由佢地自己嘅性格來決定。
但最起碼，爸爸媽媽就一定要最大，一定要係三隻狗嘅領袖.....
而三隻狗當中，邊個開飯先，邊個出門口行先，就係三個之中嘅大佬......
[引用] | 作者 De媽 | 13th Oct 2009 14:36 | [舉報垃圾留言]


係呀! 打漏左個"唔"字!

其實開飯係3個一齊開, 出門口亦係3個坐定定, 等我同爸爸著好鞋至可以出門口, 而出門口時就多數係bb衝出門口先!

至於大細問題, 我真係唔介意邊個做大, 邊個做細. 只要佢地開開心心, 健健康康就心滿意足!
[引用版主回覆] | 作者 咇咇蕉 | 14th Oct 2009 09:51

[3]

希望兩兄弟好快冇事, 開心過日子.
[引用] | 作者 扣肉 ~ 小扣子 | 13th Oct 2009 12:23 | [舉報垃圾留言]


今日好左d喇!
[引用版主回覆] | 作者 咇咇蕉 | 14th Oct 2009 09:45

[2]

take it easy la, they need some time~ add oil!!
[引用] | 作者 Sam媽 | 12th Oct 2009 21:19 | [舉報垃圾留言]


希望遲d會好d啦!
[引用版主回覆] | 作者 咇咇蕉 | 14th Oct 2009 09:44

[1]

其實以我上咗爆炸猛男嘅訓犬堂，認識咗，兩隻狗互相扭作一團，其實唔係『玩』，而係大家比試緊邊個係大佬。

咁妳以上咁講，qq一開始就冇心同佢地兩個爭；而亞B同BB就一路比試緊，而妳亦都無意中，用行為提昇咗亞B，因為妳開飲又比佢食先，BB坐開嘅梳化又自動讓咗比佢，妳又比佢入房......

其實如果妳同爸爸都唔介意，佢做大佬lead住BB同埋qq係冇問題嘅，不過妳就要阻止佢『胡胡』聲兇BB喇。正所謂『相嗌唔好口』，無謂比佢地胡慣，整得多盞又開拖.....

總之有新成員加入就會帶來新嘅排序，要小心處理....
[引用] | 作者 De媽 | 12th Oct 2009 16:58 | [舉報垃圾留言]

其實我真係唔介意佢地邊個做大佬, 只要唔好見紅就得!

之前幾日我都冇聽到阿b woo, 只係今朝爸爸聽到, 而爸爸一聽到阿b woo bb已經即時出手制止.

暫時阿b對我同爸爸都冇野, 當然我地亦容許佢作出任何挑戰我地既行為. 只係希望過一排佢會好d啦!
[引用版主回覆] | 作者 咇咇蕉 | 12th Oct 2009 17:27