相信大家都等得好心急, 想見下咇咇蕉家既新成員. 好! 依家就同大家介紹下呢個新仔!
燈~~~ 燈~~~ 燈~~~ 凳!!!!!
佢就係咇咇蕉家老二 ~ 阿b喇!
阿b : hi! 各位哥哥姐姐你地好! 我全名叫蘇德曳, 人人都叫我阿b! 咇咇蕉加埋我後就真真正正變成b(bb) + b(阿b) + q(qq)喇! 同咇咇蕉同年, 都係5歲, 爸爸話要我做阿二, 所以依家三兄弟既大細排行係 : 大佬qq, 我係二佬, 而bb做左拉仔細佬.
我好鍾意同細佬bb玩架! 連爸爸都話未見過我同其他狗咁玩, 細佬bb又再一次成功做左pr大使, 令我活潑既一面表現出黎.
我同細佬日日都有摔角比賽, 有時佢嬴, 有時我羸. 日日玩到屋企都有張新地毯... 搞到媽咪日日都要開幾次吸塵機... 至於大佬qq就少d同我玩. 相信大家都知大佬qq唔多合群, 好少同其他狗玩架啦! 但其實佢間中都有同我玩, 只係媽咪影唔切相啫!
我同咇咇蕉都好夾, 亦好愛爸爸媽咪哥哥同細佬, 生活得好開心, 希望遲d有機會同大家見面啦!
